Кышын машина "дворнигын" өскә күтәреп калдырырга кирәкме?

Алар фикеренчә, болай эшләгәндә «дворник» тәрәзәгә ябышып катып китми; аңа кар, боз ябышмый. Ябышкан чистарткычны тартып алганда, резина бозылмый. Машинаны кабызгач, тәрәзә чистарткычны эшләтеп җибәрү механизмы да ватылмый дип саныйлар.

Әмма белгечләр башкача уйлыйлар. "Дворник"ларны өскә таба озак күтәртеп тору - механизмга зыян китерә. Аның пружинасы тартылып йомшара. Җайланма тәрәзәне яхшылап чистартмый башлый. Шулай ук, бозлы тәрәзәне чистартканда, чистарткычның резина өлеше бозыла дигән сүз дә дөреслеккә туры килеп бетми. Резина өлеше ком һәм пычрак чистартканда күбрәк ватыла.

«Дворник»ларны күтәртеп калдырудан файда юк. Алар барыбер бозлы тәрәзәне чистарта алмаячак. Кар һәм боз яткан тәрәзәне кул белән чистартасы була.

Заманча машиналарда тәрәзә чистарткычны җылыту җайланмасы бар. Аны җибәргәч, бозлы тәрәзәгә шыплап ябышкан чистарткыч та берничә минуттан үзе куба.

Ә бик түземсезләргә кыргыч һәм щетка алып үзләренә чистарта кирәк була. 

Чыганак: Интертат

Фото: https://pixabay.com/