“Орлык чыгару” йоласы

Алар Урта Идел һәм Урал халкының барысына да хас булган. Күпчелегендә ул орлык чыгару йоласы рәвешендә үткән. Иң башта мунча якканнар. Урамга чыккач, беренче очраган кешегә, юл уң булсын дип, күкәй биргәннәр. Чәчкән вакытта туфракка орлык белән бергә күкәйләр дә ташлаганнар, ә басуга чыккан балалар аларны яңадан җыя барганнар. Бераздан, җиргә ашъяулык җәйгәннәр һәм бергәләшеп күкәйләрне, өйдән алып килгән башка ризыкларны ашаганнар. Ашап-эчкәннән соң: “Хәерле янгырлар булсын, еллар тыныч булсын, бәрәңге күкәй кебек түгәрәк булсын!” – дип теләк теләгәннәр.