Мәләкәстә керәшен мәдәнияте кичәсе үткән

“Әлеге кичә “Питрау” фольклор коллективы белән оештырылды. Алар үзләре пешереп килгән тәм-томнар турында сөйләделәр. Александра Ванифатова колмактан ипи пешерү рецепты турында сөйләде. “Әй басуы” җырында Мария Адамова типтереп биеп күрсәтте”, – диде авыл мәдәният йортының сәнгать җитәкчесе Марина Казанцева.

Ә ансамбль җитәкчесе Людмила Адамова керәшен милли ризыклары турында сөйләп үтте: 

 “Керәшеннәр алар бик кунакчыл халык. Алар кунакка йөрергә дә, кунак китерергә дә бик яраталар. Өстәлгә ризыкны мулдан куялар, күп төрле ашамлыкны өйдә әзерлиләр. Алар арасында иң киң таралганы табикмәк, төрле пироглар, шишәрә. Әлеге ашамлыкларны һәр электән үк бәйрәмгә пешергәннәр. Кыстыбый, дурычмак, тәкә һәм ипи дә өстәлнең бизәге булып тора. Шулай ук, казан пилмәнен дә бик еш әзерләгәннәр. Ни өчен казан пилмәне соң ул? Чөнки, аны чуен-казанда пешергәннәр”, – диде ул.