“Кряшен чибяре” конкурсына әзерлек башланды

Конкурста катнашырга төрле районнардан барлыгы 12 кыз теләк белдергән. Сайлап алу турыннан соң, финалистлар саны төгәл билгеле булачак.

«Ике көн дәвамында кызлар вокал, хореография, нәфис (матур) сүз буенча мастер-классларда катнашачаклар. Керәшен йолалары буенча лекцияләр дә булачак. Чибәрләребезгә фотосессия ясап, „Кряшен чибяре“ гимнын яздырачаклар», — дип хәбәр итә башкаручы директор Юлия Дувалова.

Кызларның нинди тәртиптә чыгыш ясаячакларын җирәбә ярдәмендә билгелиячәкләр.

Әзерлек вакытында кызлар керәшен фольклоры, биюләре тарихына кагылышлы мастер-классларда үзләренең белемнәрен арттырып, көндәшләре белән якынннанрак танышырлар һәм дуслашырлар дип көтелә. 

Конкурсның йомгаклау туры 15 июльдә Мамадыш районының Җөри авылында узучы «Питрау» керәшен культурасы фестивалендә узачак.