Казак озату

Казак китә, озатыек

Ком аякка җиткәнче;

Кояш баеп, эңгер кабар,

Без аерылып киткәнче.

Казак булып китеп барам,

Кара каеш билләрдә;

Я кайтырбыз, я кайтмабыз

Туып-үскән илләргә.

Казак итеп алсалар да,

Будырмам билләремне;

Кара чәчем агарса да

Онытмам илләремне.

Гөмбәй буе биек яр,

Ябышып менәр талы юк;

Казак мескен ни хәл итсен,

Биреп калыр малы юк.

1966 елда Чиләбе өлкәсе Нагайбәк районы Париж авылында

 Гликерия Араповадан язып алынган.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.