Туганайлар

Ләйлә Фазлыева: " Үзлектән изоляцияләнгән кешеләргә «больничный кәгазьләре» биреләчәк"

Премьер-министры урынбасары коронавирус симптомнары барлыкка килгән очракта, үз-үзеңне дәвалау белән шөгыльләнмәскә, шунда ук табиб чакыртырга өндәде

Татарстан Премьер-министры урынбасары Ләйлә Фазлыева Татарстанда үзлектән изоляцияләнгән кешеләргә «больничный кәгазьләре» биреләчәге турында әйтте. Бу турыда «Татар-информ” хәбәр итә.

Чит илдә булып кайтканнан соң яки башка илдән килгән йөткергән, төчкергән кеше белән элемтәгә кергән булсагыз һәм үзегездә югары температура сизеп, үзегезне начар хис итә башласагыз һәм үзегездә коронавирус инфекциясе булуына шикләнсәгез, поликлиникага бармаска, ә табиб чакыртырга кирәк. “Бүген республикада шундый карар кабул ителде: «больничный кәгазьләре»н үзлектән изоляцияләнгән кешеләргә дә бирәләр», — диде Ләйлә Фазлыева.

Премьер-министры урынбасары коронавирус симптомнары барлыкка килгән очракта, үз-үзеңне дәвалау белән шөгыльләнмәскә, шунда ук табиб чакыртырга өндәде.

«Без үз-үзебезне дәвалау белән шөгыльләнергә күнеккәнбез — моны теләсә нинди вирус һәм теләсә нинди авыру вакытында эшләргә ярамый. Препаратларны киңәш итәргә ярамый, чөнки һәрберебезнең үз иммун системасы һәм һәр кешегә үз препараты туры килә», — дип искәртте Ләйлә Фазлыева.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: