2018 елда Татарстанга чит илләрдән килгән туристлар саны 25 процентка диярлек арткан

Узган ел Татарстанга килгән чит ил гражданнары саны, 2017 ел белән чагыштырганда 24,3 процентка артып, 345 мең 757 кешегә җиткән.

Туристлар Кытай, Колумбия, Германия, Иран һәм Төркиядән аеруча күп килә.

Үткән ел республикада барлыгы 3,4 миллион кеше кунак булган. Бу 2017 ел белән чагыштырганда 9,6 процентка артыграк.

Туризм өлкәсендә, чиктәш тармакларны да исәпкә алып (туклану, транспорт, сәүдә), күрсәтелгән хезмәтләрнең гомуми күләме 28,3 миллиард сум тәшкил иткән. Бу 2017 елгы күрсәткечтән 37 процентка күбрәк.

Фото: Т.Волкова рәсеме

Бу хакта тулырак: https://tatar-inform.tatar/news/2019/02/14/180596