Татарстанда давыл турында кисәтү игълан ителде
8 августта төнлә һәм көндез Татарстан территориясендә һәм Казанда яшенле яңгыр көтелә, боз яварга мөмкин
Татарстанда давыл турында кисәтү игълан ителде. Россия Гадәттән тыш хәлләр министрлыгының ТР буенча Баш идарәсе матбугат хезмәте гарасат вакытында куркынычсызлык чаралары турында искәртә.
Якындагы тәүлектә Татарстан территориясендә һәм Казанда яшенле яңгыр көтелә, боз яварга мөмкин. Җилнең тизлеге секундына 17 метрга кадәр җитүе ихтимал.
Россия Гадәттән тыш хәлләр министрлыгының ТР буенча Баш идарәсе искәрткәнчә, давыл вакытында реклама такталары, юл билгеләре һәм электр тапшыру линияләренә якын килергә ярамый. Автомобильләрне зур агачлар янында калдырмау хәерле. Шулай ук көчле җилдән йорт диварлары буенда яки җәмәгать транспорты тукталышларында качарга киңәш ителми. Давыл вакытында түбәләрдән шифер (һ.б.) кисәкләре очып төшәргә мөмкин.
Әгәр сез табигатьтә булып, җилнең көчәюен сизгәнсез икән, урман яки сулыкта адашмас өчен тиешле чаралар күрергә кирәк.
Мәгълүмат «Татар-информ»нан алынды.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына "Ватсап" аша языгыз.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев