Питрау бәйрәмендә “Бәрәкәт” яшьләр хәрәкәтенең активисты Вадим Киселев сөйгәне Светлана Фадеевага кияүгә чыгарга тәкъдим ясады

Вадим белән Света 2014 елда “Бәрәкәт” хәрәкәте активистларының чираттагы очрашуында танышканнар.

“Ул вакытта мин, беренче курс студенты, керәшен яшьләре хәрәкәтенә кушылдым, ә Вадим инде “Бәрәкәт” активисты иде”, – дип сөйләде Света. Аларның кәбен койдыру исәбе дә юк түгел. “Алла боерса, туебызны үзебезчә, керәшен йола-гадәтләре белән үткәрәчәкбез”, – дип өстәде кәләш. 

“Кияүгә чыгарга тәкъдим ясауны көздән үк уйлап йөрдем. Яз җитүгә, әзерләнә башладым. Ләкин командировкаларга еш җибәрелүем сәбәпле, әзерләнергә вакыт җитми иде. Дустым Алексей Дмитриевка ("Бәрәкәт"нең җитәкчесе - ред.) сөйләгәннән соң, ул миңа тәкъдимне Җөри Питравы сәхнәсендә ясарга киңәш итте. Сәхнәдә тәкъдим ясау идеясе шулай туды”, – дип уртаклашты үзенең айлар буе сер итеп саклаган хыялы белән Вадим. 

Кияүнең туган көне дә Питрауда – 12 июльдә икәнен белгәч... Бәлки, язмыш шул көнне көттергәндер? Очраклы хәлләр булмый, дип юкка гына әйтмиләр бит. 

Вадим белән Светага бәхет телибез!

">Видео

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.