Николай Мельников “Авыл көче” проектлар конкурсында грант отты

Татарстан Республикасы керәшен иҗтимагый оешмасының Алабуга бүлеге җитәкчесе Николай Мельников "Авыл көче" дигән социаль әһәмиятле проектлар конкурсында грантка ия булды.

Николай Мельниковның проекты "Авыл осталары" (Мастера села) дип атала. Бу проектның төп максаты - халык традицияләрен, һөнәрләрен саклап калу. "Проектны тормышка ашыру өчен киләчәктә сөлгеләр туку станогы һәм чүлмәк җитештерү җайланмасы сатып алачакбыз", - дип сөйләде Николай Мельников. Бу һөнәрләрне теләге булган һәркем үзләштерә алачак. Моның өчен проект кысаларында остазлар белән мастер-класслар каралган. Киләчәктә әлеге осталар арасында бәйге оештырылачак.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.  Яңалыкларыгызны 89172509795 номерына "Ватсап" аша языгыз.