“Ләйсән” балалар бакчасында "Олы көн" темасына мастер-класс

Мастер классның максаты: балаларда Олы көн бәйрәме турында гади күзаллаулар формалаштыру, балаларны һәм ата-аналарны бәйрәмнең тарихы һәм күкәй белән бәйле йолалар белән таныштыру, халык мәдәниятенә хөрмәт тәрбияләү, балаларның иҗади сәләтен үстерү.

“Эшебез өчен буяулар, пешкән күкәй, кулич, салфеткалар, су белән стаканнар кирәк булды. Яз турында әңгәмә үткәрдек. Тиздән православие динен тотучы халыкның көтеп алган бәйрәме – Олы көн җитүен, аның төп атрибуты күкәй булуын аңлаттык. Өстәлгә күкәй белән тулы савыт куела, бу йортка муллык алып килә дигән ышану бар. Балалар мастер-класста бик теләп катнаштылар. Ә “Олы көн” көнендә балалар тәрбиячеләр белән берлектә, районның өлкән яшьтәге кешеләре белән күкәй алышалар”, – дип сөйләде тәрбиячеләре Римма Кузнецова.