Ләкелеләр Минзәләне шаулаттылар

Минзәлә районының Кадрәк авылында "Ызандашлар" этно-туристик проекты кысаларында Дуслык фестивале үтте. Аңа Ләке авылының "Игәнә" ансамбле дә чакырулы иде. Кыңгыраулы атлар җигеп, җыр-моң белән килеп җиткән Ләке керәшеннәре Сарман районының данын горур якладылар. Төрле уеннарда катнашып, такмаклары, җырлары белән Май чабуга килүчеләргә бәйрәм рухы бүләк иткәннәр. Бәйрәм ахырында узган аркан тартышу бәйгесендә ләкелеләр зур җиңү яулаганнар. 

- Театральләштерелгән тамаша һәркемгә ошады. Рәхәтләнеп күңел ачып, коймак белән сыйланып, ял итеп кайттык. Рәхмәт оештыручыларга, безне бәйрәмгә җибәргән район, авыл җирлеге җитәкчелегенә зур рәхмәт, - диләр "Игәнә"леләр.

"Сарман"