Хатын-кызның бәхете нәрсәдә?
Хатын-кызның бәхете нәрсәдә? дигән сорауга төрлечә җавап бирәләр. Кемдер «яхшы ирдә», кемдер «байлыкта», кемдер «игелекле балалар үстерүдә», кемдер «аны аңлаучы булганда» ди. Ә менә бүгенге язмабызның герое Елизаветаның хатын-кыз бәхете җавапларның барысын да сыйдырган тормыш иптәше Петр белән янәшә атлавында. Яңа гына кулга-кул тотынышкан яшь парлардай, 34 ел буе бергә яшәп, бер-берләренә авыр сүз әйткәннәре, бер-берләрен үпкәләткәннәре юк аларның. Авылдашлары балаларын башлы-күзле иткәндә: «Черновлар кебек булсыннар, алар кебек торсыннар», - дип телиләр. Безнең дә бу тигезлекнең серен беләсебез килде һәм Башкортстан Республикасы Бакалы районы Яңа Илек авылына юл тоттык
