Карендәшләр, нинди мәкальләр беләсез?

Әйтем — сүзнең бизәге, мәкаль — сүзнең җиләге.

Тау биегрәк булган саен аннан егылып төшү куркынычы да арта.

Таза агач төрткәнгә генә аумый.

Ташкын су ярны җимерә, көнчеллек җанны кимерә.

Ташбака адымы белән генә булса да алга баруың хәерле.

Ат урынына сыер җигеп ерак китеп булмый.

Кояш кермәгән өйгә врач керер.

Күккә төкерсәң, битеңә төшәр.

Күктән көткән, җирдән тапкан.

Биек тауның башы — якын, төбе ерак күренә.

Коры җирдә чана да шумый.

Кешегә баз казыма, үзең төшәрсең; казысаң, тирәнрәк казы — чыга алмассың.

Тау булгач, чокыры булыр.

Тауга менүе кыен, төшүе ансат.

Ялгыз таш — кала булмас.

Диңгез янында кое казымыйлар.