Елена Тукмачева: «Кая киткән хуҗасы?»

Авыл башындагы йортта
Ник кичләрен ут янмый?
Салкын җиле капка бәреп,
Үткән көннәрне саный.

Йорт утырып калды ялгыз ,
Кая китте хуҗасы?
Йорт моңайган, җиргә иңгән,
Баскан калган нужасы.

Кая китте, ник күренми?..
Тәрәзәләр күз йома.
Хуҗа китә соңгы юлга,
Узмас нигез буеннан.

Тәрәз төбендәге гөлләр
Шиңеп башын игәннәр.
Бар туганнар, күршеләр,
Озатырга килгәннәр.

Ятим калган йорт утырып,
Юк хуҗа, юк бер сүзе.
Эх, тагын бер тапкыр гына
Балкыса иде йөзе.

Верхнебагряжский сельский дом культуры