Ретро фото. Мирәтәк керәшеннәре

Югары Мирәтәк авылы турында 1768 елдан бирле билгеле. «Азбучный указатель населенных мест Казанской Губернии во время ее открытия в декабре 1781 г.» статистик китабында авылның беренчел исеме «Яңа Мирәтәк» дип күрсәтелгән, ул Нырсы елгасы буенда, Ногай сәүдә юлының сул ягында урнашкан, Олы Мирәтәк авылыннан күченеп килгән кешеләр тарафыннан барлыкка килгән. 1860 елларга кадәр авыл халкы дәүләт крестьяннары категориясенә караган. Игенчелек, терлекчелек, тегү кәсебе белән шөгыльләнгән.

Бу фотоларга карап, авылны, андагы халыкның тормыш дәрәҗәсен белеп була. Алар гаиләдәй бердәм һәм тату булганнар. Авыл әбиләре көндәлек тормышта да матур күлмәкләр киеп, алъяпкыч ябып, башларына яулык бәйләп йөргәннәр.