Керәшен Сәрдәсеннән ретро фото: авыл егетләрен солдатка озаталар

Питрәч районының Керәшен Сәрдәсендә егетләрне сроклы хәрби хезмәткә озатканда төшерелгән бу  фото авыл музеенда саклана. Бу фотоларга карап, узган гасырның 60-70нче елларындагы авылны, андагы халыкның тормыш дәрәҗәсен белеп була. Ул чорда халык муллыкта яшәмәсә дә, бер гаиләдәй бердәм һәм тату булган. Бәйрәмнәрдә генә түгел, егетләрне ул заманда һәр егет өчен олы бер дәрәҗә булган армия хезмәтенә дә авылдагы яше-карты, бала-чагасы барысы бергә озатып калган. Авылдагы яшь кызлар, берсен-берсе уздырып, ул егетләргә атап кулъяулык чиккәннәр. Бер-берсенә төйнәлгән ул чигүле кулъяулыкларны армиягә китеп баручы егет муенына аскан.