Җырчы Алина Давыдова: «Гастрольләргә чыгу уе бар»

 – Алина, соңгы арада ниләр белән шөгыльләнәсең?

– Иҗат белән кайнап йөрибез. Җырчы Диджй Радик белән «Авылкаем» җырына клип төшерергә уйлыйбыз. Яңа җырлар өстендә дә эшлим. 

Җыр яздыру озак процесс.Аранжировщиклар белән эшләгәч, тагын да күбрәк вакыт кирәк. «Алина иске җырлар җырлый» дип йөрмәгез, яңалары да көтелә. Планда быел 2-3 яңа җыр чыгару, Алла бирса.

– «Салават» җыр театрыннан киткәч, иҗатыңнда нинди үзгәрешләр? 

– Концертларга, бәйрәмнәргә чакырып торалар, Аллага шөкер. Гастрольләргә чыгу уе да бар. Берничә авылга үз концертым белән барыр идем. Бик дулкынланам, чөнки ул зур, һәм күп көч таләп итә торган эш. Кайда күрергә телиләр, кайда көтәләр икән мине (елмая)? Шунда киләбез.