Түбән Үрәстә узган халык җыенында башкарылган эш нәтиҗәләре турында сөйләштеләр

Авылларда җыеннар дәвам итә. Түбән Үрәс җирлегендә узган очрашуда җирлек башлыгы Василий Сафаров үзара салым акчаларына башкарылган эшләрне атады, киләчәккә булган планнары белән уртаклашты.

Район эчке эшләр бүлегенең полиция начальнигы урынбасары Илнар Җиһаншин районда юл фаҗигаләренә, җинаятьчелекнең торышына тукталды, балалар травматизмы турында сөйләде, мошенниклык ысулларының күбәюен билгеләп үтте, сак һәм игътибарлы булырга чакырды. 

Район башлыгы урынбасары Резеда Гаянова районда башкарылган эшләр белән таныштырды, махсус хәрби операциядәге егетләргә ярдәм иткән өчен җирлек халкына рәхмәтен белдерде. 

Хезмәт даны, Алсу СӘЛӘХЕТДИНОВА

Автор фотолары.