Тиздән «Туым Жондозы» фестиваленең җиңүчесе билгеле булачак

Республика күләмендәге XIV «Туым жондозы» конкурс-фестивале Татарстан мәдәният министрлыгы, Я.Емельянов исемендәге мәдәният үзәге, республика төбәк керәшен иҗтимагый оешмасы, «Бәрмәнчек» дәүләт фольклор ансамбле тарафыннан оештырыла. 

Гала-концертта Казан һәм Чаллы шәһәрләреннән, республиканың Алабуга, Биектау, Зәй, Кайбыч, Кукмара, Мамадыш, Менделеевск, Тукай, Түбән Кама районнарыннан, күрше Башкортстанның Бакалы районыннан конкурсның сайлап алу турларын узган 7-35 яшьләрдәге иң талантлы кызлар, егетләр чыгыш ясый.

«Туым жондозы» сәхнәсендә керәшеннәрнең «Бәрмәнчек» дәүләт фольклор ансамбленең һәм, шулай ук, танылган җырчыларның да чыгышларын күрергә мөмкин булачак.

Жюри сайлап алган коллективлар һәм җырчылар катнашындагы Гала-концертта «Туым жондозы-Рождественская звезда-2026» конкурсына йомгак ясалып, төрле номинацияләрдә җиңүчеләргә тантаналы төстә бүләкләр тапшырылачак. 

Концертка керү — чакыру билетлары буенча. Аның өчен алдан язылып куярга онытмагыз. Белешү өчен телефоннар: 8(843) 293-16-69 (Җәкәү йорты), 8-902-718-84-86 (Илүзә).

Фото: Алина Кондратьева