«Үзбәкстан тимер юллары» на караган яңа пассажирлар составы атнага бер тапкыр Ташкент — Казан маршруты буенча йөриячәк, Сорочинск һәм Бузулукта тукталышлар ясаячак.
Оренбургтан Татарстан башкаласына беренче поезд 23 декабрьдә китәчәк, ә Казаннан кайту рейсы 25 декабрьгә планлаштырылган. Юлдагы вакыт 19 сәгать 43 минут тәшкил итәчәк, ә плацкарта вагонында билет бәясе 3 950 сумнан башлана.
Маршрутны эшләтеп җибәрү төбәкләр арасында турыдан-туры һәм уңайлы элемтәгә күптәнге ихтыяҗны каплый, чөнки элегрәк Оренбургтан Казанга бары тик автобус яки самолетта гына барып була иде.
Шәһри Казан
Нет комментариев