Мәләкәс авыл китапханәсендә «Өмет» волонтерлар отряды очрашты

Отряд членнары матур киләчәккә өметләнеп, үз хыяллары белән уртаклашу өчен җыелдылар. Очрашу атмосферасы бик җиңел, шатлыклы һәм яхшы юмор белән тулы иде.

«Без алар өчен мавыктыргыч конкурслар һәм уеннар әзерләдек. Алар волонтерларга шатлыклы мизгелләр һәм күп эмоцияләр бүләк итте. Чара чын мәгънәсендә җылы, күңелле булды. Бу очрашу «Өмет» отрядының бердәмлеген тагын да ныгытты, яңа идеяләр тудырды һәм алдагы эшчәнлеккә яңа көч бирде. Аларның һәрберсе үзенең эчкерсезлеге, энергиясе һәм изге теләкләре белән бу көнне тагын да яктырак итте», – диде китапханәче Лидия Фартдинова.

Китапханә хезмәткәрләре дә бу матур гадәтне дәвам иттереп, волонтерларның һәр очрашуын онытылмас мизгелләргә әйләндерергә тырышачакларын белдерделәр.

Лидия Фартдинова фотосы.