Карендәшебез Юрий Чуктиевка мактаулы исем бирелде

Татарстан Республикасы Рәисе Рөстәм Миңнеханов, Россия мәдәният министры Ольга Любимова һәм башка зур кунаклар катнашында Камал театрының яңа бинасы рәсми ачылды. Ачылу тантанасы Татарстан Республикасы Мәдәният министрлыгының ел йомгакларына багышланган коллегия утырышы белән дәвам итте. Әлеге утырыш ахырында дәүләт бүләкләре дә тапшырылды. Алар арасында карендәшебез, «Әкият» курчак театры артисты Юрий Чуктиев та бар. Татарстан Рәисе Рөстәм Миңнеханов указы буенча ул «Татарстанның халык артисты» дигән мактаулы исемгә лаек булды.

* * * 

Юрий Чуктиев «Әкият» Татар дәүләт курчак театрында инде 20 елдан артык эшли. Шушы ел эчендә ул кемне генә уйнамаган: әтәч, Мокыт, керпе, аучы, Кәкрүшкә. Ә аңа иң ябышып калганы һәм иң кадерлесе – Әлмәндәр роле. 

Бу кызыклы язма: 
«Әкият» курчак театры артисты Юрий Чуктиев: «Бала җанлы булмасаң, театрда эшләп булмый»