Иске Гришкинда «Ватан. Батырлык. Бердәмлек» фестиваленең матур чарасы узды

Бу чара Россия халыклары бердәмлеге елына һәм Татарстан республикасының хезмәт һәм хәрби дан елына багышла.

Мәдәният йорты фойесы бәйрәмчә бизәлгән иде. Биредә «Россия – Ватаным» дип исемләнгән китап күргәзмәсе оештырылган. Ул кунакларны илебезнең бай тарихы, мәдәнияте һәм күпмилләтле халкы белән таныштырды.

«Кунакларны Илнәт, Монаш, Кокшан, Иске Гришкин китапханәчеләре җылы каршы алды. Иске Гришкин һәм Монаш авыл китапханәләре хезмәткәрләре илебез халыкларының тарихы һәм гореф-гадәтләре буенча кызыклы викториналар үткәрделәр. Катнашучылар үз белемнәрен күрсәтеп кенә калмады, яңа мәгълүматлар да алдылар. Фестиваль ачылышы җыр-биюләр белән үрелеп барды. Сәхнәдә авыл коллективлары чыгыш ясады, тамашачыларга бәйрәм кәефе бүләк иттеләр. Бу көнне мәдәният йортында чын мәгънәсендә бердәмлек, дуслык һәм иҗат рухы хөкем сөрде», – дип сөйләде Иске Гришкин авылы китапханәчесе Галина Бармакова.

Фестиваль алда да дәвам итәчәк, һәм без аның яңа ачышларына һәм якты мизгелләренә шаһит булачакбыз!

Галина Бармакова фотолары.