«Гумер җулы...»: Анастасия Усачеваның 90 яшьлек юбилее уңаеннан концерт булды

Халыклар дуслыгы йортында «Сүрәкә» ансамбленә нигез салучы Анастасия Тимофеевнаны 90 яшьлек күркәм юбилее белән котладылар.

Тугыз дистә ел – бу акылга, тәҗрибәгә һәм, әлбәттә, музыкага һәм иҗатка мәхәббәткә тулы бер чор. Анастасия Тимофеевнаның энергиясе һәм эшенә тугрылыгы аркасында «Сүрәкә» ансамбле бүгенгәчә якты, үзенчәлекле һәм яраткан коллектив буларак, эшен дәвам итә.

Халык җыруларына булган мәхәббәте, кешеләрне илһамландыра һәм берләштерә белүе, сүрелмәс энергиясе – болар барысы да ансамбльнең нигезе булды. Анастасия Тимофеевна – керәшен мәдәниятенә һәм җыруларына хөрмәт белән караучы һәркем өчен чын маяк.

«Концерт программасы Анастасия Тимофеевнаның шигырьләреннән һәм җырларыннан торды. Җырларны керәшен халык фольклор ансамбле «Сүрәкә» һәм Ольга Валилулина башкарды. Аккомпаниатор-концертмейстер – Ильфат Абдулла. Шигырьләрне керәшен халык фольклор ансамбле «Сүрәкә» каршындагы «Баш чишмя» ансамбле солисты Галина Буланова укыды. Программаны алып баручы – Ольга Афонова. Усачеваның авторлык җырларына аранжировкаларны Мөхтәр Минһаҗев ясады.

Анастасия Тимофеевна Түбән Кама шәһәре мәдәният идарәсенең Мактау грамотасы һәм Татарстан халыклары Ассамблеясенең Түбән Кама филиалы җитәкчесе, Халыклар дуслыгы йорты директоры В.Ф. Хафизовның Рәхмәт хаты белән бүләкләнде.

Керәшен этномәдәни-агарту җәмгыяте Рәисе Тамара Баһаветдиновага коллективны яклавы һәм аерым алганда, авторлык җырларына аранжировкаларны булдырудагы ярдәме өчен чын күңелдән рәхмәт белдерәбез», – дип сөйләде ансамбльнең җитәкчесе Ольга Вәлиуллина.

Динара Фәтхуллина фотолары.