Чуваш Ялтаны һәм Ишәле авылы зиратларында часовняга куполлар куелды

Бу авыллар икесе дә Чуваш Ялтаны җирлегенә керә. Куполлар кую, кач күтәрү тантанасында авыл җирлеге башлыгы Станислав Егоров, Чистай районы керәшен оешмасы вәкилләре, авылда яшәүчеләр һәм читтән кайткан авылдашлар катнашты.

«Часовня төзелешенә бер ел элек авыл халкы үз көче белән кереште. Акчалата да, кул көче белән дә ярдәм итүчеләр күп булды. Төп спонсорлардан Алабугада яшәүче якташыбыз Олег Смирновны, Николай Еремеевны әйтеп үтәргә кирәк. Купол куюда Чистайдагы карендәшебез Александр Еремеевның да ярдәме зур булды. Былтыр, төзелеш башланганчы, бу урынны протоиерей Павел Чурашов аруландырган иде. Авыл халкының иман һәм ихласлык белән башкарган бу изге гамәле Ходайның рәхмәтенә ирешсен», – диде авыл җирлеге башлыгы Станислав Егоров.

Н.Никитина фотосы.