Бахта авылы клубында «Серле сандык» экскурсиясе узды

Бу көнне чарада катнашучылар үткәнгә сәяхәт итеп, борынгыларны, аларның тормышын күзалладылар.

«Алып баручы, бүлмәдәге серле сандыкны ачып, анда сакланган көнкүреш әйберләрен күрсәтте һәм аларның кулланылышы, тарихы турында сөйләде. Кунаклар сандыкларда сакланган экспонатларны, шул исәптән матур итеп чигелгән сөлгеләрне һәм табын яулыкларын күреп, аларны искә алдылар. Бу әйберләр безнең бабаларыбызның тормышын, аларның кул эшләре осталыгын күрсәтте.

Бабалар хәтере, йола-гадәтләр – болар барысы да безгә үткәннән килә. Үткән – хәзергенең башы икәнлеге ассызыклап үтелде. Шулай итеп, киләчәк буыннарга үткәннәр хәтерен бергәләп кадерләп сакларга чакыру яңгырады», – дип сөйләделәр мәдәният йорты хезмәткәрләре.

Фотолар С.Малышева, В. Миняевадан.