Балык Бистәсеннән Башировлар үз ыру агачы белән таныштырды

Гөлнара Габдрахманова районның шәхси генеалоглары, язучылары, туган якны өйрәнүчеләре һәм тарихчылары белән очрашты. Максат – республиканың «Ядкяр» проектын гамәлгә ашыруга күбрәк белгечләрне җәлеп итү, ул халыкка шәҗәрәләр турында ышанычлы һәм тулы мәгълүмат бирүгә юнәлтелгән.

Чарага килүче кунаклар мәктәп укучылары һәм укытучыларының заманча техникада башкарылган иҗат эшләре күргәзмәсе, шулай ук, кайбер гаиләләр династиясе һәм шәҗәрәләре белән танышканнар.

Әлеге очрашу өчен оештырылган күргәзмәдә Иванай авылыннан Башировлар гаиләсе дә үз ыру агачларын күрсәткән.

«Үзебезнең бай мирасыбызны күрсәтергә тырыштык, ыру агачын тәкъдим иттек. Ыру агачы – гаилә кыйммәтләренең мөһимлеген аңларга ярдәм итә. Монда оештырылган күргәзмә һичшиксез, күпләр өчен үрнәк булды, чөнки ул гаилә тарихына, үз ыруыбызга булган хөрмәтне күрсәтә. Яшь буынны милли һәм гаилә кыйммәтләре, иҗади омтылышлар рухында тәрбияләү кирәк», – дип сөйләде хәзерге вакытта Бирдебәктә яшәүче Евдокия Толстова (Баширова).