30 март көнне Казан шәһәренең Кәрим Тинчурин исемендәге театр бинасында «Халык җәүһәрләре» халыкара милли-мәдәни фестиваленең лауреатлары гала-концерты узды.
«Халык җәүһәрләре» милли-мәдәни фестивалендә 300 артык катнашучыдан жюри 20 лауреатны билгеләде. Алар арсында Балтач мәдәният үзәгендә эшләп килүче «Орчык» вокаль-инструменталь ансамбле дә бар иде. Алар лауреат исеменә лаек булды.
«Орчык» ансамбле 2014 елда оешкан. Аның җитәкчесе – Айсылу Асадуллина. Әлеге ансамбль бик күп керәшен көйләрен һәм җыруларын башкара.
«Мин 2012 елда Казан Дәүләт консерваториясенә укырга кердем, 2013 елда экспедициялардә йөреп, гөслә-уен коралы белән таныштым, диплом эшем дэ шуңа багышланган иде. Менә шушы вакыттан гөслә уен коралына мәхәббәт уянды да инде», – дип сөйләде Айсылу Айратовна.
Нет комментариев