Ана капиталы буенча кагыйдәләр үзгәрә
2026 елның 1 гыйнварыннан торак шартларын яхшырту өчен ана капиталы кулланылган очракта, ипотекадагы торакта балаларга өлешләр бүлеп бирү өчен банкның ризалыгын алу таләбе бетереләчәк. Бу турыда «Челнинские известия» яза.
РИА Новостига Дәүләт Думасы депутаты Каплан Панеш хәбәр иткәнчә, элек ана капиталы кулланып сатып алынган фатир банк залогында булса, балаларга өлешләр рәсмиләштерү өчен, кредит бирүче оешманың рөхсәте кирәк иде. Бу исә өстәмә кәгазь эшләренә һәм процессның сузылуына китерә. Яңа закон гаиләләргә банк ризалыгыннан башка, турыдан-туры Росреестр аша балалар өлешләрен рәсмиләштерергә мөмкинлек бирәчәк, шуның белән меңләгән гаиләнең тормышын җиңеләйтәчәк. Шул ук вакытта ипотека йөкләмәсе сакланып кала.
Моннан тыш, 2026 елдан ана капиталы акчаларының һәр күчерелүе турында Социаль фонд тарафыннан мәҗбүри хәбәр итү кертеләчәк. Бу чаралар системаның ачыклыгын арттырачак, диелә хәбәрдә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Керәшен дөньясындагы яңалыкларны Телеграм-канал да карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев