Телеңне йотарлык татлы джем

Кирәк булачак: 1 килограмм бакча җиләге, 0,5 килограмм шикәр, 

Желе ясый торган катнашма  (Желфикс 2:1) – 1 кап

Әгәр, сез джемның куе булуын теләсәгез,  “Желфикс”ны 1:1 исәбеннән кулланыгыз. Чистартылган җиләкне блендерда изәбез, кайнату өчен зур савыт алабыз.

“Желфикс”ны ике-өч чәй кашыгы шикәр белән бутап, җиләк измәсенә салырга һәм яхшылап болгатырга. Кайнап чыгар алдыннан гел болгап торырга. Кайнагач,  калган шикәрне дә салып,  болгата-болгата тагын өч минут утта тотарга. Ярты сәгатьтә өлгерергә тиеш. Күбеген алып, банкаларга тутырырга.