Күкәйнең файдасы: йөрәкне, мине ныгыта, тән пешкәндә булыша

• Тавык күкәен кетәклектән алып кергән көнендә үк ашаганда күбрәк файдалы.
• Күкәйне салкынча урында яисә тоз эчендә сакларга кирәк.
• Күкәйнең сарысы аеруча файдалы. Ул тулысынча диярлек эшкәртелеп, файдалы матдәләргә бүленеп бетә; йөрәкне, мине һәм тәнне ныгыта; күкрәкне, үпкәләрнең эшчәнлеген яхшырта; ашказаны, эчәк, сидек куыгы авырула­рын дәвалый; күп кан югалткан кешеләрнең хәлен яхшырта.
• Күкәйне ярым чи, ярым пешкән килеш ашарга ки­рәк. Моның өчен аны кайнар суга салгач, 100 гә хәтле са­нарга кирәк. Шул чакта күкәй пешәр-пешмәс була. Ә иң яхшысы — күкәйне сытып, суда яисә сөттә пешерү.
• Тән пешкәндә чи күкәй сөртергә кирәк. Ул аны тиз төзәтә.
• Табиблар өлкән яшьтә дә күз күремен саклау өчен көн саен 1 күкәй ашарга киңәш итә. Күкәй авылныкы булса, тагы да әйбәтрәк.

Файдалы киңәшләр