Бакчачыларга киңәшләр

* Февраль аенда теплица эченә кар тутырырга онытмагыз.
* Теплицаның тирә-ягыннан 40-50 сантиметр араны кардан чистартып, агач көле сибеп чыгу да файдалы. Агач көле карның тиз эрүенә йогынты ясый.
* Февральдә агач ботакларын кисәргә иртәрәк. Аны шушы ай азагында һәм мартта, салкын 5 градустан да түбән төшмәгән чакта эшләү әйбәт.
* Язгылыкта бакчаны су баса торган булса, мичтән алган көлне кыш буе бакчага түгәләр. Кояш туры карый башлауга, кар акрынлап эри, язын җир ул кадәр юеш булмый инде.
* Февральдә помидор орлыкларын чәчсәң, алар апрель азагында һәм май башында теплицага күчереп утыртырлык булып ныгып үсеп җитә.
* Борычны, баклажанны махсус кәгазь стаканнарга — һәрберсенә 2шәр орлык исәбеннән утыртырга, соңыннан үсентеләрнең яхшысын калдырырга.
* Сельдерей акрын үсә, шунлыктан аны да башта өйдә, тәрәзә төбендә үстерү яхшы.

Фото: «Туганайлар»