Алмадан повидло

Туганайлар, 27 июль 2025 - 07:00

246

Аны десерт яки камыр ризыклары эчлеге итеп кулланырга мөмкин.

Кирәк булачак: 2 килограмм алма, 1 килограмм шикәр комы, ярты чәй калагы дарчин (корица).

Эш тәртибе: алмаларны юып, үзәген алыгыз һәм дүрт өлешкә бүлегез. Шикәр комы сибеп болгатыгыз да, суы чыксын өчен ярты сәгать бүлмә температурасында тотыгыз. Шикәре бөтенләй эреп бетсен өчен утка куеп 5-7 минут тотыгыз, болгатып торыгыз. Аннан блендер ярдәмендә ваклатып, барлыкка килгән массаны утка куегыз. Ярты чәй калагы дарчин (корица) салып, 10 минут пешерегез. Кайнар көе банкаларга салып ябыгыз да, салкынча урынга куегыз.

Акчарлак газетасы

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia