«Сәрдә чибәренә» җыруы

Җыруның авторы - Николай Александров.

1. Өчтән үргән толымыңа
Ак бураннар уралган,
Озын кара керфегеңә
Көмештәй ак бәс сарган.

Кушымта:
Йөзләреңне,чәчләреңне
Сыйпап исә җилләре.
Күпме җанга утлар салдың,
Әй,син Сәрдә чибәре.

2.Ике битең алсу алма:
Күңелеңдә ут икән,
Иренеңә кичке шәфәкъ
Кызыллыгын мул сипкән.

Кушымта.

3. Иңнәреңә ,кире кайтып,
Җәйге болын уралган,
Чиләкләрең - сайрар кошлы,
Чишмәләрдән җыр алган.

Кушымта.

4.Атлауларың -бер гүзәллек,
Җырлап кала ак карлар.
Сокланалар, ут яналар
Күргәч тә гашыйк ярлар.

Кушымта.