Гөл утыртсагыз, чикләвек салыгыз!

Гөл савыты төбенә дренаж урынына әстерхан чикләвеге кабыгы салып калдырырга була. Беренчедән, керамзиттан аермалы буларак, аннан бернинди дә тузан чыкмый; икенчедән, экологик яктан файдалы. Гөл савыты төбенә салу өчен чикләвек кабыкларын вакламагыз. Вакытлар үтү белән балчыкның өсте агарып чыкса, яки анда вак чебеннәр күренсә дә чикләвек кабыгы ярдәмгә килер. Балчык өстенә вакланган чикләвек кабыгы салсагыз, бераздан чебенннәр юкка чыгар. Чикләвек кабыгы гөл савытындагы балчыкны артык кибүдән дә саклый.