Бакча җиләгеннән пирог

Камыр өчен: 1,5 стакан онны 125 г җебетелгән ак май белән уарга кирәк. Шуңа 100 г шикәр комы, 0,5 чәй калагы разрыхлитель, аз гына чәй содасы, 3 йомырка сарысын кушып, камыр басабыз. Эчлек ясаганчы, ярты сәгатькә суыткычка куеп торырга кирәк.

Эчлек өчен: 3 йомырка агын күпертергә, әкренләп кенә 100 г шикәр комы, 1 чәй калагы крахмал, 1,5 аш калагы он, 0,5 чәй калагы разрыхлитель өстәргә кирәк. Аннан соң җиләкне кушып, барысын бергә болгатабыз. Майланган табага камырны кул белән генә жәеп, эчлекне агызгач, духовкада 180 градуста 40-45 минут пешерәбез.

Чыганак: "Өмет" газетасы