Июнь аеның беренче санына анонс

1нче бит Чистай районының Югары Кондрата авылындагы Нина ЧАЛМАЧЕВА гаиләсеннән инде дүрт улы контракт буенча, махсус хәрби операциядә хезмәт итүләре турындагы язмага багышланган. 

2нче битне укыганнан соң, кыскача яңалыклар белән беррәттән, Мамадышның яңа җитәкчесе кем икәнен белә алырсыз. 

3нче биттә ВКонтакте социаль челтәрендә барган II Бөтенроссия керәшенчә марафонга йомгак ясау кичәсе турында укый аласыз. 

4нче, 5нче битләрдә сез «Максат бер: традициябезне саклап, асылыбызга тугры калу» язмасы белән таныша аласыз. Әлеге язмаТатарстан халыклар дуслыгы йортында уздырылган VI отчёт-сайлау конференциясе турында. Конференциядә югары җитәкчелек оешманы яшәтүгә, алыштыргысыз лидерыбыз Иван ЕГОРОВның зур өлеш кертүен билгеләп үтте.

6нчы бит Ходай кодрәте белән Святый Тын иңелгән көнгә багышланган. Бу көнне чиркәүне, өйләрне яңарыш, үзгәреш символы булган яшел агач ботаклары, үлән һәм чәчәкләр белән бизиләр

7нче биттә яшь карендәш җырчыбыз Алина ДАВЫДОВА белән интервью. Казан кызы, артист Алина Давыдова яңа җырлар яздырып, клиплар төшерү хыялы белән яши.

8нче биттәге подписка рекламасы барыгызны да 20 июнгә кадәр «Туганайлар» газетасына арзан бәягә язылып куярга чакыра! 8нче биттә Надежда СЫРЫШЕВАның «Туганайлар» турындагы фикере дә бар. Ә сез безнең газета турында ни-нәрсә уйлыйсыз? Газетада ниндирәк язмалар күрергә телисез?