Эшсезлек буенча бирелә торган пособиене максималь күләмдә алу мөмкинлеге булачак

Әлбәттә, аның өчен әле башта “Россия Федерациясендә халыкның мәшгульлеге турында”гы законның кабул ителүе зарур. Хәзерге вакытта бу яңа закон проекты Дәүләт думасына тапшырылган. Закон гамәлгә керсә, үзмәшгульләр һәм шәхси эшмәкәрләр хәзерге вакытта эшсезләргә айга 1 мең 500 сум күләмендә түләнә торган минималь пособие урынына инде максималь пособие (2024 елда ул уртача 19 мең 242 сум булып, хезмәткә минималь түләү суммасы белән тигез була) алачаклар. Әмма аның кайбер шартлары бар: бер ел дәвамында үзмәшгуль яки шәхси эшмәкәр булып тору, налоглар буенча бурычың булмау.