Надежда Токранова: «Белми генә...»

"Белми генә..."

Гомер кадерен белми яшибез дә ,
Зарланабыз аннан күкләргә.
Тик бер көнгә генә ул вакытка,
Кайтыр өчен миңа нишләргә?..

Гомер кадерен белми яшәгәндә,
Уйламыйбыз аннан узганын .
Гомер атын, күпләр, көтә-көтә ,
Күреп кала бары тузанын.

Тузан тузгый, күзгә яшьләр тула,
Күзгә тулган чүптән түгел лә.
Кая киткән кайтмас елларыбыз?
Барып җитә башлый Күңелгә.

Гомер аты көтми берәүне дә,
Ял кирәкми, бары чабасы.
Чапкан аттан калышмыйча гына,
Арбаларын безгә тартасы.

Надежда Токранованың шәхси битеннән алынды