Анатолий Цыгановның әниләргә багышланган шигыре

Бүген синең туган көнең.
Ә мин сиңа карап торам,
Тыштан гына шат кебек син,
Төзәлмәгән йөрәк яраң.
Стенада – фоторәсем,
Күз карашы гүя юеш.
Син, әнием, картайгансың,
Ә ул һаман яшьләй килеш.
Бүген синең туган көнең.
Елмаясың – күздә уйлар.
Күңелеңдә һаман сугыш,
Югалтулар, югалтулар...
Бүген шулай якын күрдем
Чәчләреңә бәс кунганын.
Күзләреңдә тик бер теләк:
“Ай, булмасын сугыш тагын!”

Верхнебагряжский сельский дом культуры

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.