Валентина Максимова сүрәкәдәге урама бизәкләрне тамбур чигүенә күчергән

Элгәре керәшен хатыннары бәйләгән сүрәкәдәге ука белән чигелгән урама бизәкләрне чигә белүчеләр хәзер юк, диярлек. Чөнки бу урама бизәкләрне эшләү бик тә четерекле. "Әле якын киләчәктә генә дә бу биззәкләре эшли белүче осталар булмас та, шикелле тоела",- ди Валентина Максимова.

“Мин үзем булдыра алмаган эшкә керешәсем килми. Шулай да, һич югы, бу бизәкләрне тамбурга күчерәсем килә иде.
Бүгенгәчә сакланган сүрәкәләр төрле төбәктә төрлечә чигелгән, осталары төрле булган. Бизәкләрне җыйдым, берләштердем, болгаттым да, "табага" салдым. Әлегә бистәр башына чигеп куйдым, алга таба күз күрер”, – дип язды Валентина Максимова. Карендәшебез бу эшне тамбур чигү машинасында эшләгән. Ә инде урама бизәкләрне элеккеге сүрәкәләрдән алган.