Үридә – “Дуслар очрашкан җирдә” кичәсе

Кеше, үзенең үткәнен, әби- бабаларыбызның безгә калдырган бәйрәмнәрен, йолаларын белергә, ничек киенеп йөргәнлекләре белән кызыксынырга тиеш. Шушы максаттан, Балык Бистәсе районының Үри авылы музее янында, күптән түгел “Дуслар очрашкан җирдә” дип аталган бәйрәм уздырылды. “Мәдәният хезмәткәрләре  авыл халкы өчен оештырылган бәйрәм матур үтте.  Килгән кешеләр уеннарда катнаштылар, җырладылар, биеделәр. Музейга кереп, халкыбызның андагы элек кулланылган эш коралларын, милли киемнәрне, өй җиһазларын, бизәнү-ясану, көнкүреш әйберләрен карадылар ”, – диде клуб мөдире Евдокия Толстова.