«Туганайлар» корреспонденты Ландыш Гобәйдуллина – Казан Мэры стипендиаты

Бүген Казанда шәһәр Мэры исемендәге конкурска йомгак ясалды. Шәһәр Ратушасында җиңүчеләрне мэр Илсур Метшин бүләкләде. Бу елда конкурска 300дән артык фәнни-тикшеренү һәм фәнни-гамәли эш тапшырылган, шуларның 90-ы соңгы турга узган. Нәтиҗәдә, иң яхшы эш авторлары стипендия иясе булдылар. Җиңүчеләр исемлегендә корреспондентыбыз Ландыш Гобәйдуллина бар.

Фәнни-тикшеренү һәм фәнни-гамәли эшчәнлек белән Ландыш Гобәйдуллина мәктәп елларыннан шөгыльләнә. Бүгенге көндә ул Филология һәм мәдәниятара багланышлар институтында укый. “Кечкенә адымнар зур нәтиҗәләргә китерергә мөмкин. Укытучыларыма, фәнни җитәкчем Халисә Кузьминага һәм гаиләмә рәхмәт”, – диде Ландыш Гобәйдуллина.