Ташкирмән укучылары Раифа Богородица монастырендә булып кайткан

25 февральдә Лаеш районының Ташкирмән мәктәбе укучылары, укытучылары һәм мобилизацияләнгәннәрнең туганнары Раифа Богородица Ирләр монастыренә экскурсиягә барды. Әлеге "сәяхәтне" Ташкирмәннең Изге Гурий исемендәге храмының настоятеле – отец Олег һәм җирле активист Сергей Боголюбов оештырганнар. 

Ташкирмән мәктәбе укытучысы Халидә Шишкова хәбәр итүенчә, монастырь территориясе буенча кызыклы экскурсия оештырылган. "Укучылар изге урыннарны күреп кенә түгел, кагылып карады, кар һәм боз фигуралары фонында фотога төште. Мондый уртак сәяхәт бездә беренче тапкыр булды һәм бары тик уңай тәэсир генә ясады. Оештыручыларга рәхмәт!" – дип әйтте ул. 

Фото: Халидә Шишкова