Сәйтәклеләр махсус хәрби операциядә катнашучыларга актив ярдәм күрсәтә

Менделеевск районы халкы да берләшеп, махсус хәрби операциядә катнашучы якташларыбызга төрле яклап ярдәм күрсәтә.

Берәүләр көндәлек кирәк-яраклар җыйса, икенчеләре маскировка челтәрләре үрә, ризыклар әзерли. Ярдәм махсус штабка тупланып, даими рәвештә хәрбиләргә озатылып тора.

Сәйтәк авылында да бу эш бик актив бара. Алар эчке киемнәр тегәләр. 

Коры ашлар өчен ит киптерәләр.

“Ир-егетләр безнең ярдәмне, хәстәрлекне, күңел җылыбызны тоярга тиеш, бу аларга көч-дәрт өстәячәк, дип, хатын-кызлар изге эшне бөтен күңелен салып башкара. Авылдашларыбызның моны аңлавына, хуплавына мин бик шат», - ди клуб җитәкчесе Ясминур Гыйззәтуллина.