Республикабызда +17 градуска кадәр җылы булачак

Республикада иртән (шул исәптән Казанда) кыска вакытлы яңгыр явачак һәм кайбер урыннарда томан сакланачак. Көндез явым-төшем көтелми.

Көнбатыш һәм көньяк-көнбатыш җилләре 4-9 м/с көч белән исәчәк. Көндезге сәгатьләрдә ул урыны белән секундына 14 метрга кадәр җитәчәк (Казанда секундына 11 метрга кадәр), дип билгеләп үтә метеорологлар.

Республикада көндез +12...+17 градус җылы булачак (ТР башкаласында — +14...+16).

Татар-информ

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.