Ноябрьдән Россиядә кайбер өлкә хезмәткәрләренең пенсиясе арта
Ноябрьдән Россиядә билгеле бер стажга ия күмер сәнәгате хезмәткәрләре һәм гражданнар авиациясе һава суднолары очу экипажы әгъзаларының, шулай ук октябрьдә 80 яшен тутыручы пенсионерларның пенсиясе арта.
Россия халык хуҗалыгы һәм дәүләт хезмәте академиясенең хезмәт хокукы буенча белгече Линда Рыжих шулай дип белдерде. Бу хакта РИА Новости агентлыгы хәбәр итә.
Белгеч сүзләренчә, әгәр эш стажы ир-атлар өчен 25 ел һәм хатын-кызлар өчен 20 ел тәшкил итсә, тиешле тармак вәкилләренең пенсиясенә өстәмәләр яңадан исәпләнә һәм яңартыла. «Әгәр кеше сәламәтлеге буенча хезмәт эшчәнлеген туктатса, таләп ителә торган хезмәт еллары биш елга кими», - дип искәртте ул.
Моннан тыш, 1 ноябрьдән октябрьдә 80 яшен тутыручы кешеләрнең иминият пенсиясенә фиксацияләнгән түләү ике тапкыр арта – 2024 елда ул 8134,88 сумга тигез. «Шул рәвешле, 80 яшькә җиткән пенсионерларга аена 16269,76 сум түләнәчәк», - дип аңлатты белгеч.
Ерак Төньякта яшәүчеләргә каралган әлеге сумма, район коэффициенты күрсәткеченә бәйле рәвештә, өстәмә рәвештә артырга мөмкин, дип өстәде Россия халык хуҗалыгы һәм дәүләт хезмәте академиясе вәкиле.
Моннан тыш, ноябрьдә октябрь аенда эшләүдән туктаячак пенсионерларның түләүләре дә индексацияләнә, дип сүзен төгәлләде Рыжих.
Элегрәк «Татар-информ» агентлыгы 2025 елда Россиядә иминият пенсиясенең уртача күләме 24 мең сумга кадәр артачагы хакында хәбәр иткән иде.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев