Надежда Замотаева: «Репетициягә җыелган идек, Виталий Агапов килеп керде»

Бу ялларда Олы Аты китапханәсенә Яр Чаллы шәһәре керәшен оешмасы җитәкчесе Виталий Агапов кунакка килгән. 

26 февральдә Казанга Түбән Кама керәшеннәрен айлыгын ябу тантанасына барабыз. Шуңа "Ак түтиләр" ансамбле белән репетициягә җыелган идек. Бер мәлне Виталий Васильевич килеп керде. Танышырга дип килгән. 

Бик озак сөйләшеп, җырлашып утырдык. Аның өчен кадерле булган гаиләсе, туган авылы, иман, иҗат һәм җәмәгать эшләре турында сүз алып бардык. Ул гармунда уйнады, без җырладык, – дип сөйләде авыл активисткасы Надежда Замотаева.