Кызыл Баран авылының “Пручти” бәйрәме такмаклары

Борынгыдан ук бу атнада коймак-тәбикмәкләр пешергәннәр, ат чанасына утырып кәтәйсә йөргәннәр. Җазыклар карачкысы яндырганнар. Бөйрәмнәр өчен һәр авылының үз тамаклары, көйләре булган. Алексеевск районының Кызыл Баран авылында җырлана торган такмакларны тәкъдим итәбез.

Майларны да чапсаң, син каты чап,
Чана үрәчәләрен шаңгыратып.
Җырларны җырласаң, каты җырла,
Кр. Баран урамнарын җаңгыратып.

Җырлашыйык, туганайлар, җырлашыйык,
Җокодагы кешеләр уянсын.
Ай уянсын да тыңнасын,
Кемнәр җырлый дип үк сорасын.

Бүген «Пручти» бәйрәме,
Күңел ачу көнебез.
Коймак белән сыйланырга
Безнең янга килегез.

Сый-хөрмәтләр сезгә булсын,
Бәйрәмебез котлы булсын!
Җырларыбыз юлдаш булсын,
Юлдаш булсын, яңгырап торсын.

Эшләребез уңнан булсын,
Авылыбызны бизәп торсын! -
Кемнәр җырлый дип үк сорасын,
Җокодагы кешеләр уянсын.


Товарымны сатмыйм әле,
Сезне сыйлыйсым килә.
«Пручти» бәйрәмен котлап,
Бүләк бирәсем килә.